يااا قلبي أنتي بما إنتس ماتعرفين شي
راح أعطيتس مقبلات سهله وبسيطه
أولا
عندتس الباذنجان قطعيه حلقات وإقليه
وجهزي له حشوه جبن موزريلا مه بقدونس مفروم
بعد ماتقلين الباذنجان إحشيه بالجبن والبقدونس ولفيه الباذنجان بشكل إسطواني و ثبتيه بأعواد أسنان
.........................................
والثاني أبي منتس
حبه زهره تسلق وتقلى + جزر مبشور + ملفوف + علبه بطاطس أعواد الحار <<<شيبس تحصلينه بالسوبر ماركت
تتبيله قودي ما يحضرني إسمها بس لونها برتقالي + ملعقه مايونيز + زبادي <<<< تخلط سوا
إبشري الجزر والملفوف وضعي عليع الزهره إخلطيها مع مكونات التتبيله وقبل التقديم حطي البطاطس الحار عليهن
.................................................. ...................
أكيد تعرفين طريقه ورق العنب
سوي نفس الحشوه حقت ورق العنب
اللي هي كأس رز مصري مسلوق بماء وملح نص إستواء
وتقطعين معه بصله كبيره ونص كأس زيت زيتون
مع رشه ملح
بس بدل ما تحشين ورق عنب حشي ورق الكرمب <<< الملفوف
طبعا تسلفين الورق بماء ولمن يلين وتقدرين تتحكمين فيه
حشي فيه الحشوه ولفيه بنفس طريقه لف ورق العنب
..............................................
ممكن تسوين سلطه عاديه وتقلين بطاطس صغير وباذنجان وخبز وتحطينه على السلطه مع الصوص
ومقاديره نص كأس زيت زيتون
ملح ليمون
وممكن تتبلينه بتتبيله السلطه من كنور بس خوذي اللي بالثوم لأنها أفضل طعم
هذا اللي جاء ببالي اللحين حابه شي زياده آمريني آمر
ورأسليني على رسائل الزوار وراح أفيدك إن شاء الله
الإهداءات
المواضيع المتشابهه
ارجوكم ساعدوني
العرض العادي
