¨°● ثــرثــرة مــآآآ يـ ج ـول بخــآطـريـﮱ ●°¨ - الصفحة 3

..{لمسـﮧ ج ـاذبيـﮧ · منذ أسبوع واحد

صبآآآآحكم ابتسآمه تملؤهآ شفآتكم و سعآدهـ يكسوهآ قلبكم

فترة نقآهه لشرب القهوهـ ^.-

..{لمسـﮧ ج ـاذبيـﮧ · منذ أسبوع واحد

يوم الخميس ..

جتنآ جريدة المبوبه و طبعاً فيها اعلانات و وظايف .. الخ

المهم اخوي اللي بابتدائي منذو الصغر و هو يحب يتاجر

<< مثلي بس الفرق بيننا اني ما احد معطيني وجه

و قسم عندي افكآآآآآر و مرهـ عندي فكره مخليته اذا تخرجت بزينها و لقيته واحد ياباني مزينه

يعني مره لقيت بشنطة اخوي كيس فيها اكياس فصفص

سالته : وشو مسوين حفله ؟؟

قال : لآآآآآآع ابيع على اخوياي فصفص الوحده بريالين

و جت الاداره من بكره تشتكي عليه

و ابوي يقول خلوه يتعلم التجاره من هو صغير

و امي تقول : يتعلم على فصفص

طيب لا كبر شوي عطيناهـ محل جوالات يتعلم عليها

ابوي : بالعكس خليه شوي شوي التجارهـ

^^^

ترى كل هذا مقدمه ما بعد قلت السالفه

السالفه اننا جالسين و كنا بنروح للسوق و هو يقرا الجريدهـ و يقول لامي .. يمآآآآآآ يقولون يبون مدرسة انجليزي صيري مدرسة انجليزي

<< آمي ربة بيت ناجحه ما عندها وظيفه

امي تستهبل : يا اصير مديرهـ ولاّ ما اقبل

اخوي : ليييييييييييييييش طيب لو قالوا لك غصب تصيرين مدرسه وش تختارين اي ماااده ؟؟

امي : مديرهـ

اخوي ابتلش

: طيب عاااادي تصيرين وكيله ؟؟

امي : ابي اصير مديرهـ و لا زم يكون جمب بيتنا << طلب تعجيزي

فقد الآمل بعدين شوي و يجيني ويقول لو انك ولد كان الحين انتي متوظفه << جاء دوري

انا : وشلووووون

يقولون يبون موظفين يصممون شعارات بس قهر انتي بنت

بعدين رجع لآمي .. يما عااادي تصيرين كوافيرا ولا خياطه

امي سافهته ما ترد عليه

طيب تصيرين طاهيه ؟؟

<< انا هنا عجزت امسكـ نفسي من الضحكـ

امي : قوووووم اندزلع تراااكـ لجيتنا

<< اخوي

و ينزل تحت يبرطم يقول : هذا جزاااااااي اطلع لك وظايف

..{لمسـﮧ ج ـاذبيـﮧ · منذ 3 يوم

صبآآآآآآحكم طآآآبور و آذآعـــه

طبعاً انا عندي هالترم تطبيق على المدارس و بصير استآذهـ

<< اختي بالثانوي تقول عجزت استوعب شكلكـ تصيرين مدرسه توكـ بزر

<< و انا كنت عند الثلاجه يوم قالت كذا و تطيح علبة الطحنيه

.. قالت : و هذا اكبر دليل

.. قلت : على شحم

المهم حنا اتصلنا على المدرسه عشان يعطوننا الوصف و يسفهون ما يردون علينا

و يرفعون السماعه و لآ يردون

و نرسل لمشرفتنا رساله انه ياليت تعطيننا الوصف المهم صديقتي امس راحت تدور المدرسه و ما لقتها على الوصف

فاليوم ارسلت لصديقاتي بالظهر ان كل وحدهـ تدور المدرسه و اللي تلقى تتصل على الثانيه

ابوي راح يدورها بالعصر ..

لقى ابوي المدرسه .. اتصل علي .. و انا نآآآآآآآآآآآآآيمه

اتصلت صديقتي بتقول لقيته .. و انا نآآآآآآآآآآآآآآآآيمه

اتصلت المرهـ الثآنيه .. و انا نآآآآآآآآآآآآآآآآيمه

رن المنبه .. و انا نآآآآآآآآآآآآآآآآيمه

والله مو بعآدهـ نومي مو ثقيل بس الظاهر اليوم دآآآآآآيخه بقووووووهـ

و اهلي يرفعون ضغطي ما يقوموني اللي عليهم لا جاء وقت الدوام قوموني ما عندهم اشكاليه انام كل هالوقت

اصلاً ما صرت اشوف اهلي اشتقت لهم

و اختي موصيتها تقومني الساعه 10 بالليل و اثاريها نآآآآيمه الثانيه

اشوى اتصلت صديقتي و قمت من النوم .. قالت : الحين مبلشتنا و كل وحدهـ تتصل على الثانيه و بالآخير انتي اللي مآآ تردين

انا : والله نآآآآيمه

و زين انكـ قومتيني من النوم

عااااااد رحت اسأل ابوي اذا لقى المدرسه ولآ لا ؟؟

يقول رحت ادورها و بعدين اتصلت على الدوريه ( الشرطه ) و قلت لهم : ان بنتي عندها تطبيق و لازم تحضر نبي مكان المدرسه

<< مآآآآآ عندهـ وقت على طول يتصل على الشرطه

المهم قالوآ له : 10 دقايق و نبلغكـ مكانه .. و بعد 10 دقايق اتصلوا قال ابوي : لآآآآآ خلآآآآص دليته

..{لمسـﮧ ج ـاذبيـﮧ · منذ 2 يوم

^^^

انا قلت لكم ان ابوي اتصل على الشرطه طلع فهمته غلط

<< كنت توي اقوم من النوم و مو مستوعبه اللي ينقال لي

يقول انه و هو بالمكتب اتصل على الشرطه وقال عندي مهمه في المدرسه الفلانيه عطوني الوصف و عطوهـ الوصف

عآآآد تقول صديقتي هو ما كذب عندهـ مهمه يوصل بنته للمدرسه

المهم يوم دخلنا المدرسه فاتني الطابور الصباحي

زحمة الطريق اخرتني 5 دقآيق

المهم قامت ترحب فينا المديرهـ

و كنت لابسه الكم اللي اطول من نص كم اللي فوق الكوع اربع اصابع << اقالني سآترهـ

.. فقالت ممنوع لآزم الكم يصير طويل

قلت لها : ما نلقى بالسوق اكمام طويله .. قالت : عآآآدي بس نلبس بلوزهـ عاديه كمها طويل و فوقها بلوزهـ << قلت بقلبي الله من فطسة الحر

و حاطين لنا غرفه خاصه و جايبين لنا شوكلاتات المقصف

و كنت جايبه معي قهوهـ

المهم قمنا نتكلم مع المشرفه و بعدين دخلنا مشاهدهـ و رجعنا نتناقش مع المشرفه و على الساعه 10 و نص قمنا طلعنا القهوهـ و نسولف مع المشرفه بس المشرفه رفضت تاكل و 5 دقايق و طلعت

المهم اننا طفشنا نبي نسوي شي و المدرسه صغيرهـ ما يمديني امشي الا انا واصله لآخرهـ

و نبي نمسك حصة انتظار بس ما عطونا شي

و تمر بنت متوسط بغينا نناديها و نستهبل عليها

بس مسكنا نفسنا

<< هذا اقالهم موصيتهم المديرهـ لآ تعطون بنات المتوسط وجه

*********************************************

اليوم قمت من النوم امي اتصلت علي و قالت لي شي و شفت الساعه 6 الا ربع قلت : يووووووووهـ نايمه من الظهر الا 6 الصبح يعني 16 سااااعه

و الغريبه انه فيني نوم

شكله كثرة النوم يجيب النوم

و اطلع و ما القى احد بالبيت

و تتصل امي علي .. قلت : وينكـ ؟؟ ,, قالت : عند جدتكـ ,, قلت : وش عندكم طالعين هالوقت ؟!!

,, امي : اقووول سويتي اللي قلت لكـ عليه

انا : ايه ,, امي : طيب مع السلآمه ( طوووط طوووط )

و رحت انسدح بالسرير و ابوي يتصل علي بيطلع قال : ترى صديق اخوكـ واقف عند الباب قولي له يطلع له << انا : وش السآآآآآآلفه ؟!!

و الساعه 7 الا ربع اطلع من الغرفه و الا الدنيا مظلمه

قلت : وشو فيه عج ؟!!

و اناظر الجوال للساعه و اكتشفت اني قايمه المغرب

<< تنآآآآحه

..{لمسـﮧ ج ـاذبيـﮧ · منذ يوم مضى

و هآآآآ انا انسحب رويـــداً .... !

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
{ ●● يَاشِينَها لاطَاحْ .. دَمعْ الاكابرْ / .. يَاهيِ كبَيره فيْ عُيون العَصافير ●●	الاماكن	[ بيت القصيد ]	12	21-Dec-2009 06:17 PM
●●● تعبت أضحگ على غيري وأغنــــے له أنـــا مرتآح ... ●●●	وشلون مآآغليك	[ بيت القصيد ]	7	15-Jul-2009 07:21 PM
أدمًـى فؤادي جرحـڪم ●●توبيكـآت لـ غـزه من صُنعـے●●	روح الغـلا	[ مآسنجر بنآت بريده ]	21	20-Jan-2009 05:22 PM
°¤●••●آنت بس آكذب علي وٍقل لي [آبيـك] لآعزٍم آلنجمـآت وآهديـك القمـرٍ●••●¤°	روعة مشاعر	[ مـــســ mms- sms ــجات ]	22	01-May-2008 11:48 AM